Bavê BARZAN

Xebatên Wergerê

Bavê Barzan (Goran Candan) kî ye

Bavê Barzan nivîskar û rojnamevanekî kurd e.

Bavê Barzan di sala 1959'ê de li Amedê hatiye dunyayê. Ew dibistana seretayî û navînî li Amedê xwandiye û pasê jî 4 salan, li xwendegeha olî ya bi navê Îmam-Xetîb’ê xwandina xwe berdewam kiriye. Lê belê ji ber karê wî yê welatperweriyê di nav rêxistina kurdî de, Bavê Barzan ne karî xwandina xwe bibe serî. Ji lewre sala 1982'yî, bêgav ma ku here Binxetê (Sûrî). Pistî salekê ji wê derê hat Swêdê. Ji 25 salî vir ve ye, ku Bavê Barzan li Swêdê dijî û sê zarokên wî hene: Barzan, Evîn û Emîl-Habîl.

Bavê Barzan sala 1986'ê, yek ji damezrenerê rojnameya bi nav û deng û ajansa kurdî: Kurdistan Press a li Stokholmê ye. Di sala 1989'ê de bi çend hevalên xwe yên nistimanperwer, ji Almanyayê bi karê derxistina rojnameya Halk Gerçegi rabû, ku ev rojname li Stenbolê derdiket. Di redaksiyona besa kurdî ya rojnameya Berxwedanê de kar kir. Her wisan jî, sala 1988'ê, bi hevalên xwe, ku niha çend ji wan di riya têkosîna serxwebûna Welêt de sehîd ketine, kovara Yekitiya Rewsenbîrên Welatparêzên Kurdistanê ya bi navê Rewsenê derxist û ew, yek ji van sê kesên (Bavê Barzan, Nedîm Oguz -Dara û Rizgar Cizîrî) ji desteya redaksiyonê, ya pêsîn bû. Ji hejimar 3 - 7 jî edîtoriya gistî ya Rewsen'ê kir.

Bavê Barzan li Swêdê di Zanîngeha Uppsalayê de du salan kurdî (soranî) û farisî xwand. Li Zanîngeha Stokholmê li Xwendegeha Mamostetiyê besê kurdî temam kir û li dibistanên swêdî 15 salan karê mamostetiya zimanê kurdî kir. Her weha dema hêrîsên hêzên tarî yên li ser xebata têkosîna rizgarî û serbestiya Kurdistanê, Bavê Barzan bi Komeleya Kurdernas Vänner (Dostên Kurdan) kovarek her bi vî navî, bi swêdî derxist.

Nuha jî karê wergeriyê ji gelek kanalên televîzyona Swêdê re dike û ji bo rêkxistina Kitêbxaneyên Swêdî ya bi navê BTJ jî wekî lektorê wêjeya kurdî kar dike. Bavê Barzan di karên xwe yên rojnamegeriyê de gelek nivîs û pirtûkên zarokan wergerandine ser zimanê kurdî. Du ji van pirtûkan Tolehildana Mûriyan ji farisî wergerandiye kurdî û soranî û pirtûka klasîkî ya zarokan Aladîn û Lampaya bi Efsûn ji swêdî wergerandiye ser kurdî. Her wisa jî çîroka folkloriya kurdî ya bi navê Sahmeran berhev û çap kiriye. Pasê jî Sahmeran hem bi kurdî (soranî), swêdî hem jî bi zimanê katalanî li Katalonyayê (Spanya) çap bûye.

Bavê Barzan ji sala 1987'ê vir ve ye, ku Wesanxane û Kitêbxaneya kurdî ya naskirî Sara'yê bi rê ve dibe. Sara her wisan yekemîn pirtûkfirosiya kurdî ya li Ewrûpayê ye. Sara ji sala 1987'ê ta 2007'ê 53 berhemên kurdî, swêdî, erebî û înglîzî wesandine.

Ji ber ku li Sara'yê bi dehhezaran berhemên kurdî gihane ser hev, loma Sara her weha bûye navendek arsîvxane û lêkolînê û bi vî awayî Sazendeya (weqfa) Pirtûkxane û Muzexaneya Kurdî - SARA'yê hatiye sazkirinê.