NIVÎSKARA KURD A QEDIRBILIND
FRÎDA CEWARÎ
1934 | 11.12.2018
Frîda Cewarî (1934)
Çend gilî(*) derheqa xwe da
Ez 10ê kanûna sala 1934a li bajarê Yêrêvanê ji diya xwe bûme. Pey kutakirina, bi mêdala zêr, mekteba Yêrêvanêye hejmara 5-a, min xwendina bilind li Ûnîvêrsîtêta Moskovayêye pêdagogîyê da, stend û fakûltêta fîzîk-matêmatîkayê kuta kir. Pey ra li Yerêvanê eva 50 sal e çawa mamosta matêmatîkayê kolêca Yêrêvanê da kar dikim.
Hatime rewakirinê:
- Sala 1981ê bi Ordêna Sovêtêye pir bilind, ku Moskva heq dikir, “Ordêna Xebatêye beyreqa Sor”;
- Sala 1975a mêdala “Ji bo efatiya xebatê”
- Sala 1975a hêjeyî nîþana “serkevtiya pêþvika sosîalîstiyê” bûme
- Sala 1962a “Hûrmetnamêya wezîreta Ermenîstanêye ya ronkayê” stendiye.
- Sala 1979a navê “dersdara-mêtodîst” dane min.
Ez ji sala 1957a, tevî bavê xwe Hecîyê Cindî,
tevî hazirkirina pirtûkên dersa yên “Elîfba”
û “Zimanê kurdî” - bona dersxana sisya
bûme (neh pirtûk).
Saxîya bavê min da 82 pirtûkê wî yên zanyariyê, folklorê, pêdagogiyê, werger (tercma) û dersa çap bûbûn. Li pey mirina wî, pênc pirtûkêd wî jî mabûn wek destnivîsar. Û min çi kir? Li 70 saliya xwe da ez hînî kompûtorê bûm û min rêz kir û jî bo Kurd û Kurdistanê û ji bo xweykirina mîrata bavê xwe û mêrê xweyî rehmetî Fêrîkê Ûsiv, ji sala 2003a van pirtûka yekemîn dane weþanê:
1. Hecîyê Cindî, Jiyan û kar, (bi bîrhanîna, îzbatiyêd arþîva, qîmetkirina, nêrîna û þikila,152 rûpêl. Têda hine kêmasî hene, hergê Xwedê hiz bike û silametîyê bide, ez ê bona 100 salîya bûyîna bavê xwe, sala 2008a, wê pirtûkê, guhastina, zêdekirina ya duemîn bidime çapkirinê. Ji ber ku ewî temamya jiyana xwe ya femdarîyê û hereketa xwe bi helalî pêþkêþî çanda gelê Kurd kir û goveka çanda Kurda kareke bê serobin kir û ji me ra bavekî zêr bû.
2. “Ûsiv û Zelîxe”- Pêþgotin û bernivîsara 10 çilda (varyanta) yên Hecîyê Cindî, 240 rûpêl.
3. Fêrîkê Ûsiv- “Hisret”-berevoka helbesta, ûsa jî derheqa jîyana wî, sikilava, 115 rûpêl.
4. Hecîyê Cindî- “Hikyatêd cimeta kurda”, kitêba 6-a, (80 hikyat) 230 rûpêl.
5. “Dimdim”, Pêþgotin û bernivîsara15 varyanta yên Hecîyê Cindî, 160 rûpêl.
6. Çendekî dine wê bê weþanê pirtûka Fêrîk “Destan”, ( ku 13 destanê wî cîwar bûne), 235 rûpêl.
Par bona 70 saliya bûyîna Fêrîk, bi hukumetê, kitêbeke wî jî bi zimanê ermenî çap bû.
Ew hemû kar min ra pir çetin e, pir zor, lê hê deyax dikim. Û hê 3-4 pirtûk jî hene bona weþanê, de ew jî bila silametî be.
Bi hurmetgirtin û bi silava û bi xwestinêd qenc va,
Xûþka we:
Frîda Hecî Cewarî
1.11.2005
YEREVAN
_______
*) "GILÎ": peyv, gotin, þor, qisse, xeber
Frîda Hecî Cewarî - BÎRANÎNÊN MIN
BERHEVOKA FÊRIKÊ ÛSÎV
(Berhevkar & Amadekar Frîda Cewarî)
HECÎYÊ CÝNDÎ - JIYAN Û KAR
(Berhevkar & Amadekar Frîda Cewarî)
FÊRIKÊ ÛSÎF - HISRET
(Berhevkar & Amadekar Frîda Cewarî)
Fêrik & Ez
Pênc keçên Heciyê Cindî yê Bavê Zargotina Kurdî. Li jêrê rûniþtî, Firîde, Firîce û Zînê. Li ser piyan: Nûrê û Nazê. Zînê li Londonê, Nûrê li Sydneyê dijî.
Rehma Xwedê li Firîde, Firîce û Nazê be. Firîce xanima Þekroyê Xudoyê Miho ye, Firîde xanima Fêrîkê Ûsiv e, Nûrê xanima Tosinê Reþîd e, Zînê Xanima Ehmedê Gogê ye,
Nazê xanima Feyzoyê Egîd e
Frîda Cewarî di gel bavê xwe nemir Heciyê Cindî û 4 xwuþkên xwe, Rewan 1960
Frîda Cewarî di gel hevjînê xwe hozanvan Fêrikê Ûsiv û zarokên xwe
HECIYÊ CINDÎ
ZEYNEBA ÎBO
NÛRA CEWARÎ
