Der Spiegel: "Kurdistan buhushtê li ser zemîn e."

Perestgeha Herî kevin a Cîhanê li Girê Navokê (Ruha)

Kurdistan - buhushtê serzemîn

Govara almanî Der Spiegel, di vê jimareya xwe ya 23-3-2006'ê de nivîsiye, ku "buhushtê ku li Încîlê bahsa wî dihê kirin, Girê Navokê ("Göbekli Tepe") yê li Ruha'yê bi xwe be."

Ev xebata lêkolînî, ya ku govara almanî mijarê li ser bergê xwe weshandiye û 11 rûpel jî berfireh vedaye, xwe dispêre pirtûka nivîsevanê înglîz David Rohl'î, yê bi navê 'Legend' - anku efsane. Li vir dihêt gotin, ku li gor lêkolînên arkeologîkî yên li vî shûnewarê bi navê Girê Navokê, gava Adem û Hewa ji bihushtê hatine derxistin, li vir jiyane.

Di govarê de dihêt bahskirin, ku di encama van lêkolînan de xuya bûye, ku yekemîn car hunera chandinê li vir rû daye. Her wisan jî kevintirîn perestgeha (ma'bed) li cihanê, li vî shûnewarî ye.

Der Spiegel da zanînê, encama lêkolînan spartekên grîng nîsha me dide, ku li vê herêmê, 'serdemek zêrîn a serdema berdî (kevirî)", rû daye û pêk hatiye. Arkeolog Klaus Schmidt ku rêberiya van lêkolînên arkeologîkî kiriye, dibêje ku di demek nêzîk de wê nav û dengê vî ciyê li temamê cîhanê belav bibe.

Klaus Schmidt dibêje perestgeha ku di encama lêkolînan de hatiye meydanê, xwedî temenê 11 hezar salî ye û ev nuha shopên yekemîn sharistaniyê ji me re dide xuyakirin.

Li gor zaniyarên ku di berhema nivîsevanê înglîz Rohl'î de hatine diyarkirin, lêkolînên van demên dawiyê nîsha me didin, ku Kurdistana mêjûyî, welatê pêshemîn mirovan bûye.

Li govara Der Spiegel'ê hatiye diyarkirin, agahdariyên ku li Încîl'ê hatine dayinê, van destkeftên ku li encama lêkolînên li vê herêmê bi destvehatine hevdû pishtrast dikin.

Dihêt gotin ku di vegotina (taswîr) buhushtê ya li Încîlê bahs û chêla chem û rûbaran dihêt kirinê - her wisan li vê herêmê mishe chem û rûbar hene. Li Încîl'ê dihêt bashkirin, ku gulistana buhushtê li ser girekî avadan e - her wisan herêma Girê Navokê jî li ser girekî ye.