Murad Cansad

Xafilbela nameyê kitabê hîkayeyan yê Murad Cansadî yo. Kitab hetê Wesanxaneyê Vateyî ra hezîrana 2008î de ginayo çape ro û 85 rîpelî yo. Kitab de 11 tene hîkayeyî ca gênê

Xafilbela nameyê kitabê hîkayeyan yê Murad Cansadî yo. Kitab hetê Wesanxaneyê Vateyî ra hezîrana 2008î de ginayo çape ro û 85 rîpelî yo. Kitab de 11 tene hîkayeyî ca gênê: “Ez Hol Zaneno”, “Vilaweke”, “Ahaa Biradero Xosewîst!”, “Torn”, “Qewe”, “Kelmîzin”, “Keyeyê Rosna û Mîro Kose”, “Xafilbela”, “Bajarê Ma”, “Bostan” û “Heykel”.

Murad Cansad 1974 de mezraya Derwêsan a dewa Gendan a Pulurê (Ovacik) Dêrsimî de ameyo dinya. Domantîya ey dewe de vîyarte. Wendiso verên û mîyanên Pilemurîye (Pülümür) de mektebê pansîyonî (yatili okul) de wend (1981-1989). Dima ra Xarpêt de lîse wend (1990-1993). Serra 1993 de “Istanbul Üniversitesi Siyasal Bilgiler Fakültesi” de dest bi wendisê unîversîte kerd. Wexto ke unîversîte wendêne mîyanê rêxistîna sîyasî ya îlagel a bi nameyê Yewîya Ciwananê Kurdistanî de xebitîya. 1995 de ame tepîstis. Badê ke des serî mehkeme bi, peynî de cezaya muebedî girewte. Nika hepisxaneyê Edîrne de maneno û teber a “Anadolu Üniversitesi Açik Ögretim Fakültesi” de wendisê xo yê unîversîte dewam keno.

Murad Cansadî hîkayeyê xo heme hepisxane de nustê.

Nê hîkayeyê ey ke bi nameyê Xafilbela se kitab wesanîyayê, hetê krîteranê edebî û estetîkî ra zaf muhîm ê. Murad Cansadî kankilê edebîyatî ra hîkayeyê xo mûndê. Bêmubalexe û bêmunaqese, merdim sêno vajo ke edebîyatê kirmanckî, bi taybet hîkaye de, nê kitabî reyde rusdê xo bi temamî îsbat kerd.

Murad Cansad, derba verêne de musneno ma ke ey bi hostatîye dest bi edebîyatî kerdo. Ey edebîyat bas sinasnayo; îmkanê edebîyatî, malzemeyê edebîyatî, meydanê edebîyatî bas nas kerdo, coka bi îstîqrar dest bi edebîyatî kerdo.

Xasîyetêko tewr muhim yê hîkayenustisî no yo ke hîkayenustox cumleya tewr verêne de bizano ke cumleya peyêne çi ya, hîkaye senî qedîna. Murad Cansad heme hîkayanê xo de naye wes zano. Hîkayeyê ey heme bi yew fînalo muhîm qedînê.

Hîkayeya bi nameyê “Xafilbela” û ya bi nameyê “Keyeyê Rosna û Mîro Kose” bi terzêko surrealîst nusîyayê. Nê her di hîkayeyî, terzê surrealîstî de edebîyatê ma de di nimûneyê muhîm ê.

Heto bîn ra, nê davîst-hîris seranê peyênan de bi deshezaran kurdî kewtî heps. Zafê înan dades serran ra vêsêr hepisxaneyan de mendî. Ez bi xo nêzana ke rewsa hepisxaneyan senîn a. Hetanî ke merdim tede nêcuyo, merdim bas fehm nêkeno. La hetê edebîyatî ra hepisxaneyan de yew ekolo ke merdim bi yew xeta qalinde îsaret biko nêvejîya. Mesela, kurmanckî de zêde çîyê nêaseno.

Labelê badê ke kitabê Huseyîn Karakasî Omid Esto (Vate 2007) û kitabê Murad Cansadî Xafilbela vila bîy, êdî merdim sêno vajo ke edebîyatê kirmanckî de yew ekolê hepisxaneyan zî esto. Huseyîn Karakas û Murad Cansad, no ware de numayendeyê gelek muhîm ê. Bi taybet hîkayeyê Murad Cansadî, edebîyatê hepisxaneyî de nimûneyê muhîm ê.

Hîkayeyanê Muradî reyde edebîyatê ma, hîkayeyê kirmanckî bi îstîqrar rayîrê xo ra dewam kenê. Êdî edebîyatê ma xo ra tam bawerbîyaye yo.

Eke sarê ma, heskerdoxê edebîyatê ma zerî ra edebîyatê xo teqbîb bikê, ciwanê ma xo parçeyekê nê ziwanî bizanê, vernîya edebîyatê ma do hîna vêsêr akerde bo. Edebîyatê ma reyde helbet ziwanê ma zî do pirênê mergî bidirno û sey yew sahbelûyêra zexme ya ke sêneyê koyanê ma de zemanan ra menda, bi îhtîsam newe ra sewl bido.

No ziwano sîrin û no edebîyato qelîteyên, ke verara nê ziwanî de zîl dayo, layîqê her tewir heskerdis û xizmetî yo.

Çavkanî: Netkurd