Di 1952an da li Dïyarbekirê hatime dinê. Xwendina min a seretayî û navîn li Dîyarbekirê bû. Xwendina min a bilind a li besa Fakulteya Mimarîye ku girêdayî Unîversîteya Teknîk a Yildizê bû, nîvcû ma û min ji sinifa sisêyan sûnda xwendina xwe rawestand. Pistre min cardin dest bi xwendina universiteyê kir û min sahadetnameya xwe ji Fakulteya Îktîsadî ya Unîversîteya Anadolû ya li Eskîsehîrê wergirt. Hêj di dibistana seretayî da min bala xwe dabû ser wêne û ev hezikrin û baldarî di unîversîteyê da jî berdewam kir. Dema min li Fakulteya Mîmarîyê dixwend, pistî demekê pê hisîyam ku ez ji siklên geometrîkî û req hez nakim û ez ê nikaribim ruhê xwe, hestên xwe bi projeyên mejîyê xwe va bikelînim. Lewra di mîmarîye da teknîik, di destê yekem da dertê pes û huner dikeve rêza duyem. Lê di wêne da huner li pês e û zordayîneke teknîkî tune. Di dawîyê da ez giham wê bawerîyê ku ez ê bi wêne karibim tercumanîya hestên xwe û ruhê hunerî bikim. Dema ku ez li Stenbolê bûm, di her firsendî da diçûm pesangehên wêneyan û min serê xwe li ser pêseroja xwe ya wênesazîyê û rîya wê diwestand. Di 1992an da ji ber karê kulfetê xwe derbasî Enqerê bûm û li wê derê bi cîh bûm. Û herweha serboriya min a wênesazîyê li vê derê dest pê kir. Min li Enqerê ji Yalkin Uzan dersên hunandin, boyaxa neftî, boyaxa avî, pastel, peykersazîyê stend; Ji Alî Îhsan Gursoy, çar salan dersên Hunandinê girt; ji Sezaî Kara yê wênesaz dersên hunandin, peykersazîyê stend; ji Yunus Ozerdem peykersazi û li Navenda Çandî ya Ataturk jî perwerdeyîya seramîkê stend. Li Fakulteya Hunerên Bedew (Universiteya Gazîyê), li ber destê Doçent Nur Gokbulut, li ser pêsnûmeya bingehîn (dîzayn) û dîsa her li vê Fakulteyê li ber destê Prof. Gonca Yayan li ser ebrû (nexsa ser kaxizan) perwerde bûm. Pistre besdarî qursên boyaxa darînî bûm.
HATICE ZUMRUT Telefona Atolyeyê: 0090 412 224 50 91 |
