"De Wer Were
Kurdo Were
Li Welatê xwe vegere!"

Her wekî ku dengbêjê dengîxwoş û dilkurd Aram Tîgran distirê, divê em rojekê li welatê xwe vegerin. Divê em misoger rojekê ax û bax û bistan, deşt û çiyayên rengezêrînên Kurdistanê hembêz bikin, ava wê yê şêrîn vexwin, hewa wê yê pak û delal bikişînin nav pişik û kezebê û vê carê qet û bîlleh jê ne veqetin. Her bibêjin:

'Ha welat, şîrîn welat!
Li ser bal û bejn e hemû
birc û kelat
Neyar girtiye hemû lê,
Divê em te bikin serdest û azad'

Li ser vê riyê yan bijîn yan bimirin. Ji lew re ji serxwebûn û serbestî û azadiyê bi rûmettir tiştek nîn e. Neyar çi rê ji me re nehiştine ji bilî dûrî, windabûn û bênasnamebûnê... Madem wisa ye, hingê em riya xwe dizanin: Riya serbestî û serbilindiyê..